Alarm në Rumani, vdesin 17 fëmijë nga epidemia e fruthit

Në Rumani situata është alarmante sepse deri tani kanë humbur jetën 17 fëmijë, ndërkohë që mijëra të tjerë janë infektuar nga fruthi.

Epidemia ka rënë që prej shtatorit të vitit 2016 e është përhapur në vazhdim.

Ministri i shëndetësisë, Florian Bodog tha se 3400 njerëz janë infektuar me këtë sëmundje.

Sipas tij, asnjëri prej fëmijëve, që kanë vdekur, nuk ishte i vaksinuar. Fëmija i fundit që ka vdekur ishte i moshës 1 vjeçare.

Organizata Botërore e Shëndetësisë (OBSH) ka rekomanduar dy doza të vaksinës, ndërsa njëra duhet të merret kur fëmija ta mbush një vit.

Bodog tha se vetëm 80% e rumunëve e marrin dozën e parë dhe 50% e marrin dozën e dytë.

Qendra Evropiane për Parandalimin dhe Kontrollin e Sëmundjeve ka tërhequr vërejtjen se ekziston rrezik i “lartë” që fruthi të përhapet nga Rumania në vendet fqinje.

Source: Rajoni