Depilimi dhe vendi i origjinës. A ka ndryshuar diçka!

Studimi / Shumë metoda dhe në vitin 2018, më shumë se për shoqërinë ose partnerin, bëhet pë vetveten

Hulumtimet kanë treguar se, varësisht nga vendi i origjinës, gratë mendojnë ndryshe në lidhje me heqjen e qimeve dhe ndikohen nga faktorë të ndryshëm. Për shembull, francezet janë më të kushtëzuara se të tjerat nga mendimi i partnerit të tyre, 1 në 4 gra janë dakord me këtë deklaratë. Francezet (32%) dhe amerikanet (31%) ndikohen më shumë se të tjerët nga shoqëria, ndërsa ruset nuk janë veçanërisht të prekura nga kushtet e jashtme, për të cilat 74% e tyre pretendojnë të depilohen për veten e tyre.

Roli i partnerit

Është interesante të theksohet se nuk janë aq shumë mediat sociale që ndikojnë gratë se si dhe cilat zona të trupit duhet të depilojnë, aq sa partnerët që zënë vendin e parë (30%), ndjekur nga miqtë (28%) dhe familja 25%). Mediat sociale, në fakt, prekin vetëm 14% të grave.

Një fakt i çuditshëm: 49% e grave deklarojnë që presin partnerin e tyre të depilohet, sikur kërkojnë të ndryshojnë pritshmëritë e burrit të tyre në këtë çështje.

Si ka ndryshuar qëndrimi ndaj depilimit

Nëse në 5 vitet e fundit ka ndryshuar shumë mënyra e përfaqësimit të trupit femëror, koncepti i bukurisë dhe përsosmërisë, gjysma e femrave (49%) deklaruan se nuk kishin ndryshuar qëndrimin e tyre ndaj depilimit, duke vazhduar kështu të hiqnin të njëjtën sasi qimesh në të njëjtat zona të trupit.   Nga ata që kanë ndryshuar qëndrimin e tyre, 1 nga 5 heq më pak, por 31% sot heq më shumë. Kjo tregon që, pavarësisht se sot ndodh më shpesh se në të kaluarën gra të padepiluara, shumë prej tyre vazhdojnë ta shohin heqjen e qimeve, të imunizuar ndaj ndryshimeve të rëndësishme kulturore që po kalojnë nëpër shoqëri.

Sa i përket metodës, krahasuar me 5 vjet më parë, më shumë femra zgjedhin depilatorin (33% kundrejt 25%), dyllin (32% kundrejt 26%).

Një temë ende e diskutueshme

Për rreth 4 nga 10 gra, fakti që kanë qime të dukshme në trup nuk ndikon në feminitetin e tyre. Në mënyrë të ngjashme, megjithatë, ata deklarojnë se do të ishin më në siklet në qoftë se do të shfaqeshin me qime (54%) sesa me strija (32%), plagët (10%) ose shenja lindjeje (4%).

Në përgjithësi, pra, ekziston pothuajse një ndjenjë admirimi për ata që nuk depilohen (për 10% të kesh qime është ‘cool’), por sigurisht mbetet një ngurrim që të mos e bëjmë atë. Në veçanti vajzat më të reja (18 -24 vjeç) do të ndjehen më të gjykuara (26%), sesa ata më të pjekura (13%) midis 45 dhe 54 vjeç. 72% e grave depilohen për lëkurë më të butë, 59% për higjienën dhe pastërtinë, rreth 50% për t’u ndier më të sigurta.

Një gjest që bën pjesë te rutina e bukurisë

Për më shumë se gjysmën e grave, depilimi, me të gjitha metodat e ndryshme, është pjesë e atyre momenteve të patjetërsueshme që i përkasin trupit, duke përfaqësuar kështu një mënyrë për t’u kujdesur për veten sid he për t’u ndier të përkëdhelura. Tanimë është bërë një gjest që është pjesë e rutinës së bukurisë, ku një e treta e grave konfirmojnë se depilimi është terapeutik.

Vajzat e reja, për të qenë trendi në çdo moment të ditës, zakonisht e kanë depilimin ashtu si çdo aktivitet tjetër si për shembull, shikimi i televizorit apo dëgjimi i muzikës.

21 korrik 2018 (gazeta-Shqip.com)

Source: Ndryshe